Kio?

ĈAR estas pornovula, junulara renkontiĝo kiu ĉi-jare okazos de la 12-a ĝis 15-a de novembro en Liptovský Mikuláš - Demänová.

Kial?

ĈAR komencantoj

Multaj emas lerni Esperanton, sed ĉiutagaj taskoj estas tiom elĉerpantaj... Do ni kreas la okazon dediĉi unu semajnfinon por gustumi ĝin - okazos kursoj por tutkomencantoj!

ĈAR komencintoj

La dua celo de ĈAR estas ebligi al tiuj, kiuj jam iom kursumis praktiki internacian lingvon en internacia medio. (Kaj por spertuloj estas okazo ekkoni polajn kaj slovakajn genovulojn!)

ĈAR PEJ kaj SKEJ

En antaŭaj jaroj organizata de Aŭroro kaj PEJ, ĉi jarela PEJ teamon riĉigos kaj parte anstataŭos (pri la surloka traktado) la novvekiĝinta SKEJ-teamo!

Intensa Esperanto-kurso

De nulo ĝis parolo en unu tago!

Umado rilata al la ĉefa temo de la renkontiĝo!

En sana korpo loĝas sana spirito.

Vivantaj esperantistoj ĉirkaŭ vi

Eksciu kiom vi jam kapablas paroli!

Amuziĝo!

Imagu, ke ne temas nur pri bierumado.


Cetere: karaokejo/diskejo, preterdormindaj saĝaj movadaj prelegoj, ŝaradludo... eble iu urba ludo kaj ankaŭ belega ekskurso al la groto Demänovská.

Jes, ĉio ĉi kaj pli dum unu semajnfino!

Por okazigi ĈAR ni bezonas ĈARman lokon. Post la pasintjara Rabka-Zdrój ni ĉi-jare elektis Liptovský Mikuláš.

Liptovský Mikuláš estas eta sed ĉarma urbo ĉirkaŭita per belegaj montoj (Altaj Tatroj). Krom freŝa aero vi povas ĝui ankaŭ unu el multaj termalaj banejoj, kiujn tiu ĉi regiono enhavas. Ankaŭ pri vespera amuziĝo en tiu ĉi urbeto vi ne devas timi, estas tie multaj agrablaj drinkejoj kaj diskejoj.

La foto de time4slovakia.

liptovsky mikulas: la lago

Programkotizo: 5€/21,5PLN

Aliĝu tuj por certigi la lokon (kaj afable faciligu laboron de la organizantoj :P)! Por ke via aliĝo validu vi devas laŭeble tuj poste antaŭpagi almenaŭ 25 zlotojn (aŭ 5 eŭrojn):

  • Pagu persone al unu el la perantoj: Tomasz Szymula (Krakovo), Łukasz Żebrowski (Varsovio), Romualda Jeziorowska (Vroclavo), Žeňa Belková (Bratislavo)
  • Ĝiru antaŭpagon al unu el la bankokontoj:
    en PLN (polaj zlotoj, bv. kalkulu laŭ la kurzo 1 EUR = 4,25 PLN)
    SWIFT: PKOPPLPW, IBAN: PL 08 1240 1037 1111 0010 6246 8214
    en EUR (euroj)
    SWIFT: OTPVSKBX, IBAN: SK73 5200 0000 0000 0756 6488
  • Uzu UEA-konton kaj ĝiru antaŭpagon skej-o (detaloj)

Antaŭpago ne redoneblas, sed transdoneblas (kun favorereco pro aliĝtempo, se tia estas).

Landaj kategorioj ne ekzistas ĉi jare!

Personoj super 30-jaraj krompagas 10EUR por subteni pli junajn partoprenantojn.

Rabatoj por programkotizo

  • anoj de TEJO aŭ ĝia landa sekcio: -8,5zł/-2€

    (tute enordos, se vi nun aliĝos al PEJ aux SKEJ - fakte tiu estas la celo de la rabato!)

  • novuloj sentu, ke Esperantujo Vin bonvenas dum Via unua renkontiĝo! -8,5zł/-2€

Rabatoj ne aldoniĝas.

Tranokto

Unu nokto: 9€

Ni havos la tutan turistdomon je nia dispono. La ĉambroj estas 2, 3, aŭ 4-litaj kaj ĉiu havas apartan banĉambron kun duŝejo kaj necesejo. Ili estas ege luksaj kaj estas ankaŭ komuna ĉambro kun kameno kaj televidilo kaj apude bela ĝardeno.

Jen vi povas rigardi la ejon: Relax Jasna

Manĝoj

Pro abundaj antaŭaj spertoj ni decidis okazigi 2 manĝojn tage! Matentagmanĝon kaj vespermanĝon, po 5€ po manĝo. La matentagmanĝo ekos iom malpli frue kaj daŭros pli longe, kaj ĝi konsistos el vasta elekto de ĉio ajn (vi povas skribi al ni viajn dezirojn), do ĉiu povos manĝi plurfoje el la provizitaj stokoj. La vespermanĝo estos varma kaj ĝi estos portita de restoracio en la urbo. Se vi havas specialajn bezonojn rilatajn al la manĝoj, skribu al ni!

Ekskursoj

Estas planita ekskurso al la groto Demänovská, al kiu eblas aliĝi kontraŭ kotizo egala al la kosto de la ekskurso - 12 EUR (la prezo estas nur proksimuma ankoraŭ).

Entute

Sume tuttempa partopreno (ekde ĵaŭda vespermanĝo ĝis dimanĉa matentagmanĝo) kostos: 3 x matentagmanĝo + 3 x vespermanĝo + 3 x tranokto = 57 € + programkotizo = 62 € por 3 tagoj! (se vi estas malpli ol 30 jaraĝa).

Ĉe disa mendado la kostoj estas 9€ por 1 tranokto, 5€ por 1 manĝo, 5€ por programkotizo.

La renkontiĝo estas organizata de Pola kaj Slovakia Esperanto-Junularo organizoj. Ni:

  • subtenas la internacian lingvon Esperanto kiel rimedon por internacia komunikado,
  • popularigadas kaj instruadas Esperanton inter junuloj,
  • iniciatas kaj subtenas projektojn pri internacia kunlaboro de junaj homoj kun utiligo de la lingvo Esperanto,
  • subtenado de junularaj Esperanto-kluboj en la tuta Pollando,
  • organizas klerigajn kaj kulturajn aranĝojn en Esperanto aŭ direktitaj al Esperanto,
  • organizadas trejnajn kaj integrigajn aranĝojn por la membroj,
  • kunlaboras kun eksterlandaj junularaj Esperanto-organizaĵoj.
pola esperanto-junularo

De Bratislavo ĉiujn 2 horojn veturas rapidtrajno al Liptovský Mikuláš (serĉu ĉe www.zsr.sk), aŭ eventuale buso (ĉe www.cp.sk).

Rigardu la priskribon "De Liptovský Mikuláš al la ejo".

De Pollando oportunas trajne per Ĉeĥio alveni al Zilina kaj de tie al Liptovský Mikuláš. Ankaŭ ekzistas rekta buso de Krakovo al Liptovský Mikuláš (http://www.tigerexpress.eu/pl/)

Rigardu la priskribon "De Liptovský Mikuláš al la ejo".

Al Rabka-Zdrój

Post eltrajniĝo tie necesas transiri al busa stacidomo, kiu estas tuj apude, kaj tie eniri buson direkte al Demänovká dolina (veturas cca ĉiun 1 kaj duonan horon) kaj elbusiĝi ĉe la haltejo “Demänová, rázcestie” (cca 10 minuta veturo)

Eventuale vi povas preni taksion. Jen kelkaj telefonnumeroj: City taxi: +421 903/800 952 aŭ 0907/87 67 57, Liptov taxi: 0907 780 780.


Aliĝante vi konsentas obei jenajn regulojn:

  1. Mi tralegis la tutan ĉi-paĝon kaj agnoskas ĝian enhavon.
  2. Mi ne malhelpos planitan okazigon de la programo - se mi ne ŝatos mi ĝin ne partoprenos.
  3. Mi purigos kuirejon uzinte ĝin.
  4. Mi purigos banĉambron uzinte ĝin (nu, pli-malpli).
  5. Mi strebos dormi en mia lito.
  6. trankvile, estis ŝerco :D
  7. Mi estos komprenema al novuloj - mi tradukos por ili el esperanto kaj certigos ilian bonfarton. ;-)
  8. Mi rajtigas la organizantojn uzi fotojn farotajn dum la evento por reklamado de PEJ, SKEJ, TEJO kaj Esperanto ĝenerale.
    Samtempe la organizantoj informas, ke se iu foto povos iĝi problemo por vi aŭ simple ĝenos vin (ekzemple pro stranga mieno, kun neprecize via koramik(in)o en nepreciza situacio kaj similaj :-D ) - simple informu pri tio!